Д.Нацагдорж "АЛС ГАЗАР СУРАХААР ЯВАГЧ"

Алс газар сурахаар очих замд
Намрын салхи өмнөөс сэржигнэнэ
Өвсний толгой намилзан халиурахын дундуур
Түүний гэрийн утаа цэнхэрлэн холдоно
Зуун уул, мянган голыг нөхөрлөхөд
Үдэн өнгөрөх гацаа, хот цугаар хүний
Залуу хүү зочдын гэрийн цонхыг түшиж
Дэмий л үүнийг гайхан, түүнийг сонирхон
Алжаалыг өөрийн сэтгэлд бясалгаж,
Баяслыг харийн хэлээр уламжлаад
Шинэ үзэгдэл өөр амтанд умбахад
Түүний далайгаас сувд, тана шүүрдэнэ

Б.Явуухулан "ХАРАХААС ЯЛДАМ ХОНГОР БҮСГҮЙ"

 Харахаас ялдам хонгор бүсгүй ээ,

Хайрын тухай битгий дуулаач!
Наалинхай хонгор аашаа дэлгэж
Надад битгий нүүр үзүүлээч!

Дэнлүү хоёр нүдэнд чинь
Дэнгийн эрвээхэй шиг шатчих гээд байна.
Дэвүүр хоёр сормосонд чинь би
Дэнжийн ногоо шиг ганхаад байна.

Харахаас ялдам хонгор бүсгүй ээ,
Хайрын тухай битгий дуулаач.
Хайран залуу насандаа би
Халих жигүүрээ шатаах хөөрхий!

Б.Явуухулан "ТУУЛЫН ШУГУЙ"

Туулайн гүйдэл шиг салхинд 
Туулын шугуй найгана
Уулын согоо шиг хүүхэнд 
Хайрын сэтгэл дасна
Хээрийн салхинд Туул минь 
Тахийн зоо шиг бэдэрлэнэ
Хайрын хүчинд сэтгэл минь 
Тэнгэрийн заадас шиг гэрэлтэнэ
Гүнзгий амьсгаа авмаар
Тал шиг бүсгүй юм чи 
Гүнд нь хангинах дууны 
Эгшиг нь миний сэтгэл юм

Б.Ичинхорлоо "АМЬДРАЛ"

Амьдрал үзлээ гэж ахмад хүмүүс шогшроно. 
Амьдралын амтыг үзэх гэж адгуу зарим нь яарна.

Амьдралаа оллоо гэж анд надад гайхуулна. 
Амьдралд яарахгүй ээ гэж харин би бодно.

Үзээд байдаг ший жүжиг үү амьдрал 
Амтлаад байдаг амттан уу амьдрал

Олоод байдаг эрдэнэ үү амьдрал 
Хүлээлгэж болдог унаа юу амьдрал 
Би бодлоо амьдрал гэж юу вэ 
Өдөр цаг мөч бүхэнд амьдралыг

Үзэж амталж олж яарсаар 
Бүрэн дүүрэн амьдарч байна.

Б.Ичинхорлоо "ЗУУН НАМАР"

Зуун намар, зуун намар би ингэж гунихгүй
Зузаан үүлсээр чамдаа хэл өгүүлэхгүй
Амгалан царайг чинь догдлон ширтээд л
Аялгуут үгсийг шагладаг минь ч үлдэхгүй

Зуун намар, зуун намар л ингэж гунихгүйгээс хойш
Зузаан үүлсээр чамдаа хэл өгүүлсээр л байх болно
Амгалан царайг чинь би догдлон ширтээд
Аялгуут үгсийг шагласаар л байх болно оо

Ч.Чимид "ӨРНӨ ДОРНО ХОЁР"

Дорно л гэнэ
Өрнө л гэнэ
Өрнө биш дорно л гэнэ
Дорно биш өрнө л гэнэ

Хатан дэлхийг
Хаа гуяар нь салгаж байгаа юм шиг
Хаагуур нь
Салгаад
Ялгаад байгаа юм бол? Хотол түмнийг
Хонь хурга ялгаж байгаа юм шиг
Юугаар нь
Зааглаад
Заазлаад байгаа юм бол?

О.Дашбалбар "ЭХ ОРОН МИНЬ"

Тэнгэрлэг эх орон минь тандаа мөргөмү 
Тэнд энд хэвтэх чулуунд чинь үнэн оршдогт итгэмү 
Амьд яваа минь таны гүн таалал гэмү 
Аугаа их тандаа би өдөр бүхэн мөргөмү 
Амьсгалах тоолондоо тандаа хүрч очму 
Аньсан нүдэндээ ч би таныгаа харму

Б.Явуухулан "ВАНСЭМБЭРҮҮ"

Аглагхан ойн зах сийрээд
Орой нь халзрах уулын тагт
Ариухан горхины эх шургаад
Авиа нь тасрах асганы шилд
Төөлөөд үзвэл бие чацуу
Тоолоод үзвэс нас чацуу
Үзэсгэлэнт хоёр вансэмбэрүү 
Үүд хоймрын зайтай ургажээ.

松尾芭蕉 '俳句'

山路（やまじ）きて　何やらゆかし　すみれ草

春の山道を歩いてきて､ふと道のかたわらに目をやると､小さなすみれの花がさいている。その色･形がつつましく何とも心ひかれることだ。　

「ゆかし」＝心が引かれる､おくゆかしい、という意味。季語：すみれ草（春）

秋深き　隣（となり）は何を　する人ぞ

秋が深まり､野山がどことなくさびしく感じられるようになると、人恋しくなり､隣人のことなどが気になってくる。
「・・・ぞ」は疑問。季語：秋深き（秋）

Ч.Лхамсүрэн "ХҮРЭН МОРЬ" Найраглал

Оройн улаан нар
Онц туяа татуулаад
Сунаж хөвсөн үүлсийн
Сугаар нэвт шагайж
Урваж хөрвөж байгаа
Хурын бараан үүлийг
Улбар шар өнгөөр
Хувиргаж сайхан чимлээ
Сүрэг олон адуу
Суурь бэлчээрээ солоиход
Сүүлдэж явсан хүрэн

지성찬 '백마에서 온 편지'

백마에 오시려면 전철 타고 오시구려

무악재 쉬어 넘어 구파발서 기다리면

회정역 꽃길을 따라 꽃 구름이 필 겁니다.

구름 속 백마들이 바람처럼 내달리면

천리를 뛰어도 좋을 동화 속의 들이 있고

바람은 첫 손님에게 매달리며 안기리다.

춘삼월 오실 때에 흰 샤쓰를 걸치시면

진달래 붉은 입술을 꼭꼭 찍어 드리리다

개나리 고운 금관을 머리에 얹어 주고.

오월이 가기 전에 꼭 한번 오시구려 

무릎 꿇고 들어보면 푸르른 관현악 소리

그것이 시가 되나 봅니다, 푸른 글이 돋습니다.

꽃 하나 피는 것도 기적이요 섭리러니

수많은 꽃이 앓는 계절의 절정에선 

능선도 가만히 내려와 그 자리에 멈춥니다.