Showing posts with label Б.Ринчин. Show all posts
Showing posts with label Б.Ринчин. Show all posts

Saturday, October 19, 2013

Б.Ринчин "ЭР ХҮН БОЛ..."

Эр хүн бол, эр хүн шиг бай.
Үлээхэд наашаа,өрвийхөд нь цаашаа
Тийм тоглоом бүү бол.
Нохой бурахад
Ноцохоос нь бүү ай.
Эр зориг гаргаж
Эрслэн алдаад бай.
Эр хүн бол,эр хүн шиг бай.
Хоосон олон үг дэмий
Хотол олонд тустай
Бүтээлт үйлс эрийн чимэг.
Чин зориг барьж
Чинээгээрээ зүтгэж,
Санаснаа бүтээгээд сагсууран бүү хөөр.
Эр хүн бол,эр хүн шиг бай.
Зөв гэж бодвол зүрхтэй бай.
Үнэний төлөө үхэхээс бүү ай.

Monday, September 16, 2013

Б.Ринчин "МОНГОЛ ХЭЛ"

Чихний чимэг болсон аялгуу сайхан монгол хэл,
Чин зоригт өвгөд дээдсийн минь өв их эрдэнэ.
Сонсох бүр яруу баялгийг гайхан баясч,
Сод их билэгт түмэн юүгээн бишрэн магтмуу би!

Урьдын бэрх цагт улс монголын хэт заяаг
Уйтгарлан бодоход урам зоригийг минь сэргээсэн,
Өөдлөн дэвжихийн төгс хувьтайд нь итгүүлсэн,
Өрнөн мандахын шинж бүрдсэн өвгөдийн минь хэл!

Б.Ринчин "ХЭЭР, НАМАР"

Нүд алдам уудам хээр тал
Хачин чимээгүй шарланхан халиурч,
Дэлхийн чимээ болсон царцаахай нам гүм
Дээр тэнгэрт л тогоруу дуугарнам
Алтан дэлхийн гандсан шар мандлаас
Аятайхан, хачин сонин үнэр ханхлан
Хиргис хүүр дээрх хүн чулууны духнаас
Хөлс гоожсон шиг хяруу хайланхан барзайнам.  (Москва 1947)