Хөөрхий мэлхий дэвхрэхэд
Усны чимээ гарав.
Аймшигт ядуу эр
Амуу тариа цайруулахаа болиод
Онгон сарыг ширтэв.
Өдөржин горхин дээр
Өлөн сүүдрээ барих гэж
Тэмээлзгэнэ тонголзоно.
Гар хоосон гуйлгачны
Гадаа өмсдөг хувцас нь
Газар тэнгэр хоёр
Гуулин зоос жингэнэж
Гуйлгачин олсноо тоолоход
Өвлийн шөнө хүйтэн
Намрын тэргэл сар
Нарсны мөчрийг тэр чигт нь
Хөх тэнгэрт хээлэв.
Мөчир дамжин гүйж
Мөнгөн дусаал урсах нь
Хаврын бороо ажээ.
Нүцгэн мөчир дээр
Нэвсгэр хэрээ суух нь
Намрын үдэш санж
Аяныхаа зам дээр
Агч модны навчис гээсээр
Намар цаг өнгөрөв
Зөрж яваа хүний
Барьж яваа шүхэр дуугарах нь
Намрын бороо ажээ
Тэнгэрт түгсэн од
Тэндээ яасан үзэмжтэй вэ?
Тэхдээ яасан хол вэ?