З.Дорж "ХЭЛ ХИЛ МАЛ ГУРАВ"

Xэл, хил, мал гуравтайгаа байвал хэн баян? Монгол баян.
Xэл, хил, мал гурваасаа хагацвал хэн эмгэнэлтэй? Монгол эмгэнэлтэй.
Xэл, хил, мал гурвынхаа төлөө энэ яваа насаа эцэслэн дуустал тэмцье. 

Үхсэний дараа сүнс байдаг бол үргэлжлүүлж бас тэмцье. 

МИНИЙ ААВ АДУУЧИН ХҮН

Амин хайртай миний аав
Адууныхаа бэлчээрт дуулдаг хүн байсан
Бага наснаас чихэнд хоногшсон
Баргил хоолойтой дуучин хүн байсан 

Миний аав дуучин хүн

Миний аав адуучин хүн

Миний аав дуучин хүн

Миний аав адуучин хүн

ТЭМЭЭН СҮРГИЙН ГОВЬ

Үг С.Цэрэндэндэв        Ая А.Батдэлгэр 

Тэртээ Алтайн уулсын

Үзүүр Гурван сайхан

Тэмээн сүргийн говьдоо

Тэнгэр шүргэм бараатай 

Ингэн тэмээний нүд шиг 

Булаг шанд нь бүлээн 

Элсэн хонгор говьдоо 

Эхийн сүү шиг мэлтэрнэ

АЛДАРТАЙ ЯПОН ХАЙКУ

Хуучин цөөрөм уруу
Хөөрхий мэлхий дэвхрэхэд
Усны чимээ гарав.



Аймшигт ядуу эр
Амуу тариа цайруулахаа болиод
Онгон сарыг ширтэв.



Өдөржин горхин дээр
Өлөн сүүдрээ барих гэж
Тэмээлзгэнэ тонголзоно.

Д.Нацагдорж "МИНИЙ НУТАГ"

Хэнтий, Хангай, Саяны өндөр сайхан нуруунууд

Хойт зvгийн чимэг болсон ой хөвчийн уулнууд

Мэнэн, Шарга, Номины өргөн их говиуд

Өмнө зvгийн манлай болсон элсэн манхан далайнууд

Энэ бол миний төрсөн нутаг

Монголын сайхан орон

О.Дашбалбар "МОНГОЛОО МУУЛЖ ХАРИЙНХАНД БӨХӨЛЗӨГСДӨД!!!

Монгол минь үхэхийг чи үзэхгүй

Мэргэд минь цөөрөхийг чи үзэхгүй

Мэлмий минь цочрохыг чи үзэхгүй

Түүх минь мартагдахыг чи үзэхгүй

Түмэн минь мөхөхийг чи үзэхгүй

Үнэн минь алдрахыг чи үзэхгүй

Үлгэр минь дуусахыг чи үзэхгүй

Төрөл минь тасрахыг чи үзэхгүй

Соёмбо минь бүдгэрэхийг чи үзэхгүй

Соёл минь солигдохыг чи үзэхгүй

Онон минь ширгэхийг чи үзэхгүй

Олон минь зовохыг чи үзэхгүй

Ц.Хулан "ГАНЦХАН ЭЭЖДЭЭ УНШИХ ШҮЛЭГ"

Намрын уулнаа бугын урамдахыг сонсоорой!
Намайг ухаажихыг үзэх гэж ижий минь та урт наслаарай!
Манцуйдаа ирж таныг би ганцхан удаа жаргаасан
Магадгүй тэрнээс хойш дандаа зовоосон
Ганцхан намайг гэж ижий минь та
Газар дээр хичнээн увидастай төрсөн юм бэ?
Баривчийг минь эсгэж, хуримын өмсгөл чимэглэж
Балчраас минь өдийг хүртэл та оёдолчин явлаа.
Оточ маналын хувилгаан ийм байдаг уу гэлтэй
Орон дээрээс минь алгасалгүй тонгойж
Дэрэн дээр намайг бүлээрч хонох болгонд
Дэлхийд хамгийн сайн эмч минь та байлаа.

Б.Ичинхорлоо "ТЭНГЭР"

Миний Монголын тэнгэрийг эсгэх гэж

Бусдын од харвадаггүй

Миний Монголын тэнгэрт эрхлэх гэж
Бусдын од шохоорхдог юм.

Миний монголын тэнгэрт өдөлсөн шувуу
Бусдын тэнгэрт өдөө цацдаггүй
Миний монголын тэнгэрт өссөн бүргэд
Будант газар ясаа тавьдаггүй.

Ч.Чимид "БИ МОНГОЛ ХҮН" дуу

Үг: Ч.Чимид   Дуучин: Тэнгэр

Аргалын утаа боргилсон
Малчны гэрт төрсөн би
Атар хээр нутгаа
Өлгий минь гэж боддог
Унасан энэ нутагаан би
Өөрийн бие шиг хайрлаж
Угаасан тунгалаг мөрнөөн
Эхийн сүү шиг санадаг

Энэ хүн Монгол хүн 
Эх орондоо хайртай хүн

Ч.Чимид "БИ МОНГОЛ ХҮН"

Аргалын утаа боргилсон 

Малчны гэрт төрсөн би
Атар хээр нутгаа
Өлгий минь гэж боддог.
Цэнхэр манан суунагласан
Алсын барааг ширтээд
Цэлгэр сайхан нутгаа
Сэтгэл бахдан харахад
Үлээж байгаа салхи нь 
Үнсээд ч байгаа юм шиг
Өршөөлт ээжийн минь гар
Илээд ч байгаа юм шиг
Энэрэнгүй сайхан санагдахад
Элэг зүрх минь догдолж 
Хосгүй баярын нулимс 
Хоёр нүдийг минь бүрхдэг.