Ц.Хулан "ААВДАА"

Сайхан залуу аавынхаа тэргүүнд буурал орсныг анх үзээд 
Саваагүй томоогүй хүүхэд насаа би тэр жилийнх нь шувуудтай хамт буцаасан
Санчиганд нь нэмэх мөнгөн сорны тоолон жаргаандаа тэгвэл гэхэд 
Сансанаар даанч болохгүй явна ааваа 

Бүүвэйт хонгор ижийн тухай дуу мэдээж олон 
Бүдэгхэн гардаг зураг шиг, санаатай хийдэг алдаа шиг 
Бүхий л орчлонд харин аавын ач гэж дуулдаггүй 
Бүгдийнх нь аав ямар миний аав шиг бишдээ 
Амттан зөөлөн хоёроор бялууруулдаг муу ижий минь 
Айлын тавагнаас чихэр хармайлж шараа болгоно 
Аав минь тэгэхгүйээ 
Алаг чулуу хээрээс хормойлж хүүдээ зүслүүлнэ. 

Д.Нацацгдорж "ДӨРВӨН ЦАГ"

ХАВАР

Мөнх тэнгэрийн дор мянга мянган хавар
Монголын сайхан оронд жил жил дэлгэр
Энх улирал ханхлахад хүний сэтгэл тэнэгэр
Өвсний соёо ногоороход морь мал ханагар

Холхи нар ойртож хасын цас хайлахад
Хуучин дэлхий халагдаж хамаг юм шинэднэ
Хөрсөн мод цэцэглэж хүүхэд багачууд наадахад
Хөгшин хүн өөрийгөө залуу болсон шиг санана.

Б.Ринчин "ЭР ХҮН БОЛ..."

Эр хүн бол, эр хүн шиг бай.
Үлээхэд наашаа,өрвийхөд нь цаашаа
Тийм тоглоом бүү бол.
Нохой бурахад
Ноцохоос нь бүү ай.
Эр зориг гаргаж
Эрслэн алдаад бай.
Эр хүн бол,эр хүн шиг бай.
Хоосон олон үг дэмий
Хотол олонд тустай
Бүтээлт үйлс эрийн чимэг.
Чин зориг барьж
Чинээгээрээ зүтгэж,
Санаснаа бүтээгээд сагсууран бүү хөөр.
Эр хүн бол,эр хүн шиг бай.
Зөв гэж бодвол зүрхтэй бай.
Үнэний төлөө үхэхээс бүү ай.

З.Дорж "ҮХЭР МОНГОЛЫН УУР ХИЛЭН"

Тоо нь цөөхөн гэж басаж болохгүй

Тоомжиргүй хандаж бүр ч зохихгүй

Тоосруулаад нэг хөдөлчих юм бол

Толгой цусдаж мэдэх үхэр монгол.

Ялагдахаараа чангардаг,

Магтахаар сулардаг

Яс махнаасаа хэцүү монгол.

Өрсөн тэмцэхийн цөвүүн цагт бол нь

Өлгийнөөс эмээл дээр дарцагладаг монгол.

Тэмүүжинг багад нь шоглож байгаад

Тэнгэр газраа нураалгачихаа алдсан

Найман шаргал морийг нь булааж байгаад

Навтгар тэр жаал алуулахаа алдсан.

Алдартнуудын хэлсэн үгс

Монгол улсын ардын багш, доктор, профессор С.Галсан

"Төвөггүй сурах эрдэм гэж үгүй"